Finlandiyada koronavirusa yoluxanların sayı 6 mini keçdi

Finlandiyada ötən sutkada koronavirusdan daha 4 ölüm və 19 yoluxma hadisəsi qeydə alınıb.

“Report” “RİA Novosti”yə istinadən xəbər verir ki, bunu ölkənin Səhiyyə və Sosial İnkişaf Qurumu açıqlayıb.

Bildirilib ki, ümumilikdə ölkədə yoluxanların sayı 6 003-ə, ölənlərin sayı isə 275-ə çatıb. Ölənlərin orta yaşı 84-dür.

Yoluxma hallarının çoxu paytaxt Helsinkidə (4 278 nəfər) qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 4,3 milyonu ötüb. Bunların 1,5 milyon nəfərdən çoxu sağalıb, 289 mindən çoxu isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.