Britaniyada tibb bacısı yeni doğulmuş 8 körpəni öldürməkdə ittiham olunub

Böyük Britaniyanın Çester şəhərində yeni doğulmuş 8 körpəni öldürməkdə və 10 qətl cəhdində günahlandırılan tibb bacısı saxlanılıb.

“Report” xəbər verir ki, bu barədə “Sky News” telekanalına istinadən Rusiya KİV məlumat yayıb.

Yerli polisin məlumatına görə, noyabrın 10-da saxlanılan və “Countess of Chester” xəstəxanasının əməkdaşı olan Lüsi Letbi 2015-ci ilin iyun ayından 2016-cı il iyun ayınadək olan dövrdə xəstəxananın neonatal şöbəsində baş verən bir sıra körpə ölümü və bədbəxt hadisələrlə bağlı istintaq çərçivəsində ittiham olunur.

Bu gün onun məhkəməsi olacaq.