Almaniya freqatı səhvən NATO-nun dronuna hücum edib

Almaniyanın “Hesse” freqatı Qırmızı dənizdə səhvən NATO müttəfiqi ABŞ-nin pilotsuz təyyarəsinə hücum edib.

"Report"un məlumatına görə, bu barədə "Welt" yazıb.

Bildirilir ki, MQ-9 dronu dost və ya düşməni müəyyən etmək üçün transponder olmadan hərəkət edirmiş, üstəlik, onun hərəkəti barədə ABŞ-nin müttəfiq ölkələrinin nümayəndələrinə məlumat verilməyib.

Hadisə, Almaniya freqatının Qırmızı dənizdə əməliyyatlar başlayandan bəri ilk dəfə husilərin hücumunu dəf etməsindən və qrupun iki pilotsuz təyyarəsini vurmasından sonra baş verib.