ABŞ Yaxın Şərq müttəfiqlərinə 8,6 milyard dollarlıq silah satışını təsdiqləyib

ABŞ Dövlət Departamenti İsrail, Qətər, Küveyt və Birləşmiş Ərəb Əmirliklərinə 8,6 milyard dollardan çox dəyərində potensial silah satışını təsdiqləyib.

"Report" xəbər verir ki, müvafiq bəyanat cümə günü yayılıb.

Vaşinqtonun qərarı regionda davam edən gərginlik fonunda verilib.

ABŞ-İsrail arasında İranla hərbi qarşıdurmanın başlamasından doqquz həftə keçib və kövrək atəşkəs üç həftədən çoxdur ki, qüvvədədir.