Dövlət Xidmətinin Sumqayıt şəhər baş idarəsinə rəis təyin edilib

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Sumqayıt şəhər baş idarəsinə rəis təyin edilib.

"Report" xəbər verir ki, bununla bağlı Prezident İlham Əliyev sərəncam imzalayıb.

Sərəncama əsasən, Natiq Sahib oğlu Qarayev Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin Sumqayıt şəhər baş idarəsinin rəisi təyin olunub.

Dövlət başçısının digər sərəncamı ilə polkovnik Natiq Sahib oğlu Qarayevə general-mayor ali hərbi rütbəsi verilib.