Azərbaycan Həmkarlar İttifaqları Konfederasiyasına katib təyin edilib

Azərbaycan Həmkarlar İttifaqları Konfederasiyasına (AHİK) katib təyin edilib.

"Report"un xəbərinə görə, bu vəzifəyə qurumun Mətbuat xidməti və ictimaiyyətlə əlaqələr şöbəsinin rəhbəri Rəşad Nəsirov gətirilib.

O, AHİK-də hər iki vəzifəni də icra edəcək.

Qeyd edək ki, Rəşad Nəsirov keçmiş ANS, "Lider" telekanallarında və İctimai Televiziyada fəaliyyət göstərib.

Jurnalist 2010-cu ildən "Azərbaycan Televiziya və Radio Verilişləri" QSC-də baş redaktor və "Xəbərlər" informasiya proqramları studiyasının direktoru vəzifələrində çalışıb. 2015-ci ildə isə Azərbaycan Prezidentinin sərəncamı ilə Azərbaycan Televiziya və Radio Verilişləri QSC-nin sədr müavini təyin olunan Rəşad Nəsirov 2020-ci ildə həmin vəzifədən azad olunub.