ANAMA: "Azad edilən ərazilərdə minatəmizləmə işləri sürətlə davam edir"

"Azərbaycanın işğaldan azad edilən ərazilərində minatəmizləmə işləri sürətli olaraq yerinə yetirilir".

Bunu "Report"un Qarabağ bürosuna Azərbaycan Minatəmizləmə Agentliyinin (ANAMA) Beynəlxalq əlaqələr maarifləndirmə və mətbuatla iş idarəsinin rəisi Ramil Əzizov deyib.

Onun sözlərinə görə, azad olunmuş ərazilərdə ANAMA-nın əlaqələndirmə funksiyası vasitəsilə müxtəlif dövlət qurumları minatəmizləmə işlərini davam etdirir: "Hökumətin qarşımıza qoyduğu prioritetlərə uyğun olaraq, zəruri addımlar atılır. Minatəmizləmə sadə bir fəaliyyət növü deyil. Dünyada minatəmizləmə ilə bağlı müxtəlif şirkətlər, qurumlar və agentliklər çalışırlar. Hər ölkənin özünəməxsus təcrübəsi mövcuddur".