"Ciputra Group": Tikinti sektoru qlobal CO₂ emissiyalarının təxminən 39 %-ni yaradır

Qlobal karbon qazı emissiyalarının təxminən 39 %-i tikinti sənayesinin payına düşür.

"Report" xəbər verir ki, bu barədə "Ciputra Group"un texniki məsləhətçisi və "Global Entrepreneurship Network Indonesia"nın idarəedici direktoru İvan Sancaca Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "Şəhər dəyər zənciri fəaliyyətdə: inklüziv, ağıllı və dayanıqlı şəhərlər naminə biznes liderliyi" adlı panel sessiyasında bildirib.

Bu zaman 28 % - binaların istismar enerji istehlakı ilə - isitmə, kondisionerləmə və işıqlandırma ilə bağlıdır, qalan 11 % isə sement və polad kimi tikinti materiallarında olan daxili karbonla şərtlənir.

"Ekoloji tikinti bu gün sadəcə bir seçim olmaqdan çıxıb - o, həm karbon emissiyalarının azaldılması, həm də istismar xərclərinin azaldılması baxımından zərurətə çevrilib. İndoneziyada sürətlə davam edən urbanizasiya prosesi şəraitində bu məsələ xüsusilə kəskin xarakter alır", - o vurğulayıb.