Azərbaycana üç ölkədən ananas idxalı bərpa edilib

Bu ilin yanvar-oktyabr aylarında Azərbaycana 1,3 milyon ABŞ dolları dəyərində 1 min 335 ton ananas (təzə və ya qurudulmuş) idxal edilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 25 %, kəmiyyət olaraq – 21 % çoxdur.

Hesabat dövründə Kosta-Rikadan 1,1 milyon ABŞ dolları dəyərində (bir il əvvəlki göstəricidən 40,6 % çoxdur) 1 min 256 ton (+34,2 %), Tailanddan 143 min ABŞ dolları dəyərində (+6 %) 36 ton (-3 %), Filippindən 15 min ABŞ dolları dəyərində (-17 %) 17,7 ton (-18 %), Çindən 12 min ABŞ dolları dəyərində (-8 %) 4 ton (-33 %), İndoneziyadan 11 min ABŞ dolları dəyərində 13,1 ton məhsul alınıb.

Üç il 3 ayın tamanında Türkiyədən, 2 il 8 aylıq fasilənin ardından İndoneziyadan, 1 il 7 aydan sonra Cənubi Afrikadan tədarük bərpa edilib. Azərbaycana Cənubi Afrikadan 0,9 min ABŞ dolları dəyərində 0,2 ton, Türkiyədən 0,3 min ABŞ dolları dəyərində 0,2 ton ananas gətirilib.