Azərbaycana daha 2 ölkədən kondisioner tədarükünə başlanılıb

Ötən il Azərbaycana 65,1 milyon ABŞ dolları dəyərində 202 min 864 ədəd kondisioner gətirilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, əvvəlki illə müqayisədə dəyər ifadəsində 59 %, kəmiyyət olaraq – 35 % çoxdur.

Hesabat dövründə Çindən 50,14 milyon ABŞ dolları dəyərində (bir il əvvəlki göstəricidən 66,7 % çoxdur) 156 min 700 ədəd (+41,2 %), Tailanddan 8,41 milyon ABŞ dolları dəyərində (+2,4 dəfə) 23 min 742 ədəd (+87 %), Özbəkistandan 5 milyon ABŞ dolları dəyərində (+9 %) 19 min 116 ədəd (-5 %), Türkiyədən 371 min ABŞ dolları dəyərində (-8 %) 803 ədəd (+27 %), Böyük Britaniyadan 267,5 min ABŞ dolları dəyərində (-67 %) 449 ədəd (-32 %) məhsul alınıb.

Azərbaycana Almaniyadan (13,6 min ABŞ dolları dəyərində 19 ədəd), Finlandiyadan (15,2 min ABŞ dolları dəyərində 15 ədəd), Niderlanddan (13,5 min ABŞ dolları dəyərində 2 ədəd) və Tayvandan (12,1 min ABŞ dolları dəyərində 4 ədəd) tədarük bərpa edilib.

Ötən il son 11 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Avstraliyadan (1 min ABŞ dolları dəyərində 1 ədəd) və Hindistandan (231 min ABŞ dolları dəyərində 857 ədəd) tədarük həyata keçirilib.