Azərbaycan Çexiyadan kondisioner alışını bərpa edib

Ötən il Azərbaycan 74,54 milyon ABŞ dolları dəyərində 281 659 ədəd kondisioner idxal edib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2023-cü ilin göstəricisindən dəyər ifadəsində 33 %, kəmiyyət olaraq – 45 % çoxdur.

Hesabat dövründə Azərbaycan Çindən 63 milyon ABŞ dolları dəyərində (bir il əvvəlki göstəricidən 30 % çoxdur) 238 679 ədəd (+39 %), Tailanddan 5,7 milyon ABŞ dolları dəyərində (+2,1 dəfə) 20 460 ədəd (+2,5 dəfə), Özbəkistandan 4,96 milyon ABŞ dolları dəyərində (+29 %) 21 716 ədəd (+62 %), Türkiyədən 503 min ABŞ dolları dəyərində (+35 %) 431 ədəd (+87 %), Böyük Britaniyadan 107 min ABŞ dolları dəyərində (+24 %) 134 ədəd (-62 %) məhsul alıb.

Azərbaycan 3 il 5 aylıq fasilənin ardından Çexiyadan kondisioner tədarükünü (5,53 min ABŞ dolları dəyərində 6 ədəd) bərpa edib.

2023-cü ildə Azərbaycana 17 ölkədən idxal edilmiş 194 min 208 ədəd kondisionerin 88,4 %-i Çinin payına düşüb.