Azərbaycan Belarus və İrana armud ixracını bərpa edib

2023-cü ildə Azərbaycan 5,9 milyon ABŞ dolları dəyərində 9 min 193 ton armud ixrac edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 2,2 dəfə, kəmiyyət olaraq – 2,3 dəfə çoxdur.

Hesabat dövründə Azərbaycan Rusiyaya 5,65 milyon ABŞ dolları dəyərində (bir il əvvəlki göstəricidən 2 dəfə çoxdur) 8 min 730 ton (+2,2 dəfə), Qazaxıstana 160 min ABŞ dolları dəyərində (+4,5 dəfə) 373 ton (+3,6 dəfə), Belarusa 93 min ABŞ dolları dəyərində 73,5 ton, Səudiyyə Ərəbistanına 8,3 min ABŞ dolları dəyərində 1,7 ton (bir il əvvəl tədarük olmayıb), Qətərə 5,9 min ABŞ dolları dəyərində (+15 dəfə) 3,6 ton (+19 dəfə) məhsul satıb.

Azərbaycan 5 il 3 ayın tamamında İrana (2,8 min ABŞ dolları dəyərində 4,7 ton) və 5 il 10 aylıq fasilənin ardından Belarusa tədarükü bərpa edib.

2022-ci ildə Azərbaycandan (5 ölkəyə) ixrac edilmiş 4 min ton armudun 97,4 %-i Rusiyanın, 2,6 %-i Qazaxıstanın payına düşüb.