Azərbaycan süd idxalını 53 %-dək artırıb

Bu ilin yanvar-mart aylarında Azərbaycan xaricdən 2 min 932 ton süd idxal edib.

“Report” Dövlət Gömrük Komitəsinə istinadən xəbər verir ki, bu həcmdə südün dəyəri 4 milyon 137 min ABŞ dolları təşkil edib.

Məlumata görə, bu, ötən ilin müvafiq dövrü ilə müqayisədə həcm ifadəsində 1 014 ton (52,8 %), dəyər ifadəsində isə 1 milyon 329 min ABŞ dolları (47,3 %) çoxdur.

Hesabat dövründə süd idxalının Azərbaycanın ümumi idxalında payı 0,4 % təşkil edib.

Qeyd edək ki, Azərbaycanda 2022-ci ilin yanvar-mart aylarında 493,3 min ton süd istehsal edilib.