Azərbaycan çay idxalını azaldıb, ixracını artırıb

Bu ilin yanvar-mart aylarında Azərbaycana 3 min 131 ton çay idxal edilib.

“Report” Dövlət Gömrük Komitəsinə istinadən xəbər verir ki, bu həcmdə çayın dəyəri 15 milyon 359 min ABŞ dolları təşkil edib.

Məlumata görə, bu, ötən ilin eyni dövrü ilə müqayisədə həcm ifadəsində 82 ton (2,5 %) azdır, dəyər ifadəsində isə 2,7 milyon 700 min ABŞ dolları (21,3 %) çoxdur.

Bu ilin yanvar-mart aylarında Azərbaycan 354 ton çay ixrac edib, bu həcmdə çayın dəyəri 2 milyon 166 min ABŞ dolları təşkil edib. Bu, ötən ilin müvafiq dövrü ilə müqayisədə 89 ton (33,5 %), dəyər ifadəsində isə 147 min ABŞ dolları (7,2 %) çoxdur.