Azərbaycan buğda idxalına çəkdiyi xərci artırıb

Bu ilin yanvar-mart aylarında Azərbaycan 182 min 864 ton buğda idxal edib.

“Report” Dövlət Gömrük Komitəsinə istinadən xəbər verir ki, bu həcmdə buğdanın dəyəri 62 milyon 391 min ABŞ dolları təşkil edib.

Məlumata görə, bu, ötən ilin müvafiq dövrü ilə müqayisədə həcm ifadəsində 5 min 080 ton (2,7 %) azdır, dəyər ifadəsində isə 14 milyon 642 min ABŞ dolları çoxdur.

Belə ki, bu il Azərbaycan buğdanın 1 tonuna 341 ABŞ dolları xərcləyib. 2021-ci ildə isə Azərbaycan 1 ton buğda üçün 254 ABŞ dolları xərcləyib. Azərbaycan buğda idxalına çəkdiyi xərci 34,2 % artırıb.

Hesabat dövründə buğda idxalına çəkilən xərc Azərbaycanın ümumi idxal xərclərinin 2,13 %-ini təşkil edib.