Toivo Klaar Aİ-nin Cənubi Qafqaz üzrə xüsusi nümayəndəsi kimi davamçısını təbrik edib

Avropa İttifaqının (Aİ) Cənubi Qafqaz və Gürcüstan üzrə xüsusi nümayəndəsi Toivo Klaar bu vəzifədə onun davamçısı olan Maqdalena Qrononu təbrik edib.

“Report” xəbər verir ki, bu barədə avropalı diplomat “X” sosial şəbəkəsindəki hesabında paylaşım edib.

“Təbriklər Magdalena. O bu vəzifə üçün zəngin təcrübəyə malikdir", - T.Klaar vurğulayıb.

Qeyd edək ki, bundan əvvəl Aİ-nin Siyasi və Təhlükəsizlik Komitəsi Avropa İttifaqının Cənubi Qafqaz və Gürcüstan üzrə yeni xüsusi nümayəndəsinin namizədliyini təsdiqləyib.