Sahibə Qafarova: "Prezident İlham Əliyevin sayəsində Azərbaycan dünyada sayılıb-seçilən dövlətə çevrilib"

Milli Məclisin sədri Sahibə Qafarova Prezident İlham Əliyevin idarəçilik bacarığı və əzmi sayəsində Azərbaycanın dünyada sayılıb-seçilən dövlətə çevrildiyini bildirib.

“Report” xəbər verir ki, S.Qafarova parlamentin dekabrın 22-də keçirilən plenar iclasda çıxışı zamanı deyib ki, Azərbaycan öz tarixinin ən şanlı dövrlərini yaşayır.

O qeyd edib ki, məhz Prezident İlham Əliyevin idarəçilik bacarığı, əzmi sayəsində Azərbaycan dünyada sayılıb-seçilən dövlətə çevrilib: “İlham Əliyev hər zaman xalq və Vətən yolunda gördüyü xidmətlərlə adını tarixə yazdıra bilib. Azərbaycan bu gün Qarabağda öz miqyasına görə heyrətamiz bərpa-quruculuq işini davam etdirir. Söz sahibi dövlət olmaqdan qürur duyuruq”.