Kaleb Orr: Bakı və Vaşinqton ikitərəfli ticarətin genişləndirilməsinə sadiqdir

ABŞ və Azərbaycan ticarət, biznes və investisiya sahəsində ikitərəfli imkanların genişləndirilməsinə sadiqdir.

"Report"un məlumatına görə, bunu ABŞ dövlət katibinin iqtisadi, enerji və biznes məsələləri üzrə köməkçisi Kaleb Orr birinci Azərbaycan-ABŞ iqtisadi dialoqu çərçivəsində keçirilən mətbuat konfransında bildirib.

"Mən nikbin əhval-ruhiyyədəyəm və əminəm ki, əməkdaşlığımız misli görünməmiş səviyyəyə çatacaq. Bugünkü iqtisadi dialoq məhz buna həsr olunmuşdu", - K.Orr vurğulayıb.

Onun sözlərinə görə, ABŞ ilə Azərbaycan ticarət, biznes və investisiya sahəsində ikitərəfli imkanların genişləndirilməsinə sadiqdir - bu, ABŞ-nin vitse-prezidenti Cey Di Vensin fevral ayında Bakıya tarixi səfəri çərçivəsində vitse-prezident və Azərbaycan Prezidenti İlham Əliyev tərəfindən imzalanmış Strateji Tərəfdaşlıq Xartiyasının əsas elementlərindən biridir.