Əli Laricani: "İqtisadi sahədə Azərbaycanla əməkdaşlıq potensialını artırmaq lazımdır"

"Mövcud şəraitdə iqtisadi, siyasi, mədəni və sosial sahələrdə əməkdaşlığın gücləndirilməsi üçün zəmin hazırdır. Odur ki, ölkələrimiz bu potensialı aktivləşdirmək üçün daha çox səy göstərməlidir".

"Report" "Mehrnews"a istinadən xəbər verir ki, bunu İran parlamentinin sədri Əli Laricani Azərbaycanın İrandakı səfiri Bünyad Hüseynovla görüşdə deyib.

O, iqtisadi sahədə, o cümlədən kənd təsərrüfatı, şəhərsalma və nəqliyyat sahələrində əməkdaşlıq üçün potensialın artırılmasının zəruriliyini vurğulayıb.

Öz növbəsində Azərbaycan səfiri Azərbaycan-İran münasibətlərinin tarixi xarakter daşıdığını və rəsmi Bakının hər zaman iki ölkə arasında münasibətlərin müxtəlif sahələrdə inkişafını dəstəklədiyini bildirib.