Cevdet Yılmazla Azərbaycan Baş naziri arasında telefon danışığı olub

Türkiyənin vitse-prezidenti Cevdet Yılmaz və Azərbaycanın Baş naziri Əli Əsədov arasında telefon danışığı olub.

"Report" xəbər verir ki, bu barədə C.Yılmaz "X"də yazıb.

Telefon danışığı zamanı Əli Əsədov bildirib ki, Azərbaycan həmrəylik əlaməti olaraq Gürcüstanda Türkiyə Silahlı Qüvvələrinə məxsus hərbi təyyarənin qəzası ilə bağlı məlumatları diqqətlə və yaxından izləyir.

C. Yılmaz Əli Əsədova qardaş Azərbaycan xalqı adından verdiyi başsağlığı və göstərdikləri səmimi həmrəyliyə görə təşəkkür edib.