Belarus səfiri və təhsil naziri əməkdaşlıq perspektivlərini müzakirə edib

Belarusun Azərbaycandakı səfiri Dmitri Pineviç təhsil naziri Emin Əmrullayevlə Minsk və Bakı arasında ikitərəfli əməkdaşlıq perspektivlərini müzakirə edib.

"Report" xəbər verir ki, bu barədə səfirliyin "X" hesabında qeyd edilib.

"Belarus səfiri Dmitri Pineviç Azərbaycanın elm və təhsil naziri Emin Əmrullayevlə görüşdə iki ölkə arasında elm və təhsil sahəsində əməkdaşlığın vəziyyətini və perspektivlərini, qarşılıqlı faydalı təşəbbüslərin həyata keçirilməsi çərçivəsində planlaşdırılan tədbirləri müzakirə edib", - məlumatda bildirilib.