Bakıda Asiya Siyasi Partiyalarının Beynəlxalq Konfransının iclasları keçiriləcək

Bakıda sentyabr ayının 5-dən 8-dək Asiya Siyasi Partiyalarının Beynəlxalq Konfransının (İCAPP – İnternational Conference of Asian Political Parties) Gənclər qolunun beşinci, Qadınlar qolunun isə altıncı iclası keçiriləcək.

İCAPP-ın Gənclər qolunun birinci vitse-prezidenti Ramin Məmmədovun “Report”a verdiyi məlumata görə, Yeni Azərbaycan Partiyasının himayəsilə keçiriləcək hər iki tədbirin başlıca mövzusu “Sosial və siyasi fəaliyyətdə gənclərin rolu, onların hüquq və imklanlarının genişlənməsi” olacaq.

Aparılacaq müzakirələrin 2030-cü ilədək Dayanıqlı İnkişaf Gündəminə töhfə olacağı gözlənilir.