Azərbaycan Dünya İrs Komitəsinin 20-ci Fövqəladə Sessiyasında yeni seçilmiş üzv kimi iştirak edib

Azərbaycan UNESCO-nun qərargahında keçirilən Dünya İrs Komitəsinin 20-ci Fövqəladə Sessiyasında yeni seçilmiş üzv kimi iştirak edib.

"Report" xəbər verir ki, bu barədə Azərbaycanın UNESCO yanında daimi nümayəndəsi Elman Abdullayev "X"də yazıb.

O qeyd edib ki, bu, Azərbaycan üçün qürurverici bir andır.

"Qlobal irsin qorunmasına töhfə verməyi səbirsizliklə gözləyirəm!",-deyə Nümayəndə əlavə edib.

Parisdə Ümumdünya Mədəni və Təbii İrsin Qorunması üzrə 1972-ci il Konvensiyasına Tərəf Ölkələrin Baş Assambleyasının 25-ci sessiyasında Azərbaycan UNESCO-nun Ümumdünya İrs Komitəsinin (ÜİK) 2025-2029-cu illər üzrə üzvü seçilib.

A proud moment for 🇦🇿! #Azerbaijan participated in the 20th Extraordinary Session of the World Heritage Committee at #UNESCO HQ as a newly elected member. Looking forward to contributing to global heritage protection! 🏛️🌏 pic.twitter.com/SRXyeyljfG

— Elman Abdullayev 🇦🇿 (@elmanabdullayev) November 25, 2025