Andrey Yatskin Bakı merini Neva Ekoloji Konqresinə dəvət edib

Azərbaycan bütün dünyaya iqlim dəyişikliyi ilə mübarizədə səy göstərməyə hazır olduğunu nümayiş etdirib.

“Report” xəbər verir ki, bunu Rusiya Federal Məclisi Federasiya Şurasının sədr müavini Andrey Yatskin bildirib.

O vurğulayıb ki, bir çox Rusiya regionu Azərbaycanla əməkdaşlıq qurmağa hazırdır. Bu baxımdan, XIII Azərbaycan-Rusiya regionlararası forumunun təşkilinin zəruri olduğunu bildirib.

Bununla yanaşı, A.Yatskin Bakı Şəhər İcra Hakimiyyətinin başçısı Eldar Əzizovu Neva Ekoloji Konqresində iştirak etməyə dəvət edib.

"Konqresdə şəhərlərdəki ekoloji vəziyyətlə bağlı mövzular da müzakirə olunacaq. Buna görə də düşünürəm ki, bu tədbir azərbaycanlı həmkarlarımız üçün çox maraqlı ola bilər", - o vurğulayıb.