Ötən il əlilliyi olan şəxslər 97 min reabilitasiya vasitəsi ilə təmin edilib

Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi ötən il əlilliyi olan şəxsləri 97 min reabilitasiya vasitəsi ilə təmin edib.

Bu barədə "Report"a nazirlikdən məlumat verilib.

Məlumatda qeyd olunub ki, onlardan 7 mini təkərli oturacaq (o cümlədən 308-i mühərrikli təkərli oturacaq), 2,1 mini aşağı və yuxarı ətraf protezi, 2,3 mini eşitmə aparatı, 3 mini əsa, qoltuqaltı və dirsəkaltı ağac olub.

Həmin şəxslərə 3,6 min cüt protez ayaqqabı, 6,6 min ortopedik ayaqqabı və s. reabilitasiya vasitələri də təqdim olunub.

Ümumilikdə, son bir ildə 12,2 min nəfər əlilliyi olan şəxs reabilitasiya vasitələri ilə təmin edilib.