Bu il Azərbaycanda 85,4 min ton etilen istehsal edilib

Bakı. 18 dekabr. REPORT.AZ/ Bu ilin yanvar-noyabr ayları ərzində Azərbaycanda 85,4 min ton etilen istehsal olunub.

“Report” Dövlət Statistika Komitəsinə istinadən xəbər verir ki, hesabat dövründə etilen istehsalının həcmi ötən ilin müvafiq dövründən 7,5% az olub.

Bu ilin 11 ayı ərzində həmçinin 82,9 min ton polietilen, 43 min ton propilen (əmtəəlik 33,6 min ton) istehsal edilib.

Hesabat dövründə polietilen istehsalı illik müqayisədə 7,3%, propilen istehsalı 8% azalıb.

Bu il dekabrın 1-ə ölkədə 0,05 min ton etilen, 4,6 min ton polietilen, 3,3 min ton propilen ehtiyatı olub.