Azərbaycanda siqaret istehsalı 20 %-ə yaxın artıb

Bu ilin yanvar-may aylarında Azərbaycanda 7 milyard 42,1 milyon ədət siqaret istehsal edilib.

"Report" Dövlət Statistika Komitəsinə istinadən xəbər verir ki, bu, 2025-ci ilin eyni dövrü ilə müqayisədə 19,8 % çoxdur.

İyunun 1-nə ölkədə 1 milyard 145,3 milyon hazır məhsul ehtiyatı olub ki, bu da 1 il əvvələ nisbətən 46,1 % çoxdur.

Son 1 ildə ölkədə emal olunmuş tütün məmulatları istehsalı ötən ilin eyni dövrü ilə müqayisədə 2,4 dəfə artaraq 1 916,7 tona çatıb.

İyunun 1-nə Azərbaycanda 1 363 ton emal olunmuş tütün məmulatları üzrə hazır məhsul ehtiyatı olub ki, bu da 1 il əvvələ nisbətən 2 dəfə çoxdur.