Azərbaycan xalçaları haqqında məlumat əldə etmək asanlaşdırılıb

Bundan sonra Azərbaycan xalçaları barədə məlumatları onların üzərində yerləşdirilmiş QR kod vasitəsilə rahat əldə etmək mümkün olacaq.

“Report” xəbər verir ki, bunu jurnalistlərə açıqlamasında “Azərxalça” ASC-nin mətbuat katibi Xatuna Abdullayeva bildirib.

Onun sözlərinə görə, bu addım xalçaların ixracını asanlaşdırmaq məqsədi ilə atılıb: “Turistlər mobil telefonun kamerasını QR koda yaxınlaşdırdıqda xalça barədə bütün məlumatları əldə edə biləcəklər. Bununla da, onları xalçanı alıb ölkələrinə aparmaq daha asan olacaq”.