Salyanda bir sinif distant təhsilə keçdi

Salyan rayonunda bir sinif fəaliyyəti distant təhsil formasında davam etdiriləcək.

“Report”un Aran bürosunun məlumatına görə, rayonun Arbatan kənd tam orta məktəbində 9-cu sinif şagirdlərinin birində COVID-19 infeksiyası aşkar olunub.

Bu səbəbdən məktəbin sözügedən sinfi Gigiyena və Epidemiologiya Mərkəzinin rəyi əsasında distant təhsil sisteminə keçib.

Hazırda rayonun bütün təhsil müəssisələrinə tam nəzarət olunur.