Qumral Vəliyeva: "Qanvermə aksiyasında iştirak edənlər arasında özünü narahat hiss edən olmayıb"

"Aşura günü ilə bağlı keçirilən qanvermə aksiyasında iştirak edənlər arasında özünü narahat hiss edən olmayıb".

Bunu “Report”a açıqlamasında Mərkəzi Qan Bankının rəhbəri Qumral Vəliyeva deyib.

Onun sözlərinə görə, bununla bağlı Mərkəzi Qan Bankına hər hansı bir məlumat daxil olmayıb.

Q.Vəliyeva Bakı şəhərində keçirilən qanvermə aksiyalarına 160 nəfər tibb işçisinin cəlb olunduğunu xatırladıb.

Qeyd edək ki, Səhiyyə Nazirliyi və Qafqaz Müsəlmanları İdarəsinin birgə təşəbbüsü ilə Aşura günü ilə əlaqədar paytaxtda 8 məscid və ziyarətgahlarda, regionlarda isə Mərkəzi Qan Bankının bölmələrində qanvermə aksiyaları keçirilir.