Biləsuvarda “Təmiz hava” aylığı ilə əlaqədar tədbir keçirilib

Biləsuvar RPŞ-nin DYP bölməsinin əməkdaşları tərəfindən rayon ərazisində avtomobillərdən atmosferə atılan zərərli tullantıların ətraf mühitə və insan sağlamlığına vurduğu zərərin qarşısının alınması istiqamətində tədbir həyata keçirilib.

"Report"un Muğan bürosunun məlumatına görə, keçirilən tədbirlər zamanı avtonəqliyyat vasitələrinin texniki sazlığının daim diqqət mərkəzində saxlanılmasının əhəmiyyəti barədə sürücülərlə maarifləndirici söhbətlər aparılıb, ətraf mühitə atılan tullantılarda müəyyən edilmiş normadan artıq çirkləndirici maddələr olan avtomobillərin sürücüləri barəsində qanunvericiliyə uyğun tədbirlər görülüb.