Xaricdə COVID-19-dan ölən Gürcüstan vətəndaşlarının sayı 8-ə çatdı

ABŞ-da daha bir Gürcüstan vətəndaşı koronavirusdan ölüb.

“Report”un yerli bürosu xəbər verir ki, Nyu-Yorkda yaşayan həmin şəxsin 80 yaşı olub.

Xəstəxanada müalicə olunan pasiyent diabet xəstəliyindən əziyyət çəkirmiş.

Bununla da xarici ölkələrdə COVID-19-dan dünyasını dəyişən Gürcüstan vətəndaşlarının sayı 8-ə çatıb. Ölüm hallarının 4-ü İspaniya, 2-si ABŞ, 1-i isə Böyük Britaniyada qeydə alınıb.

Latviyada yaşayan 52 yaşlı Gürcüstan vətəndaşı da virusdan vəfat edib. Onun ürək xəstəliyi olub.