Vladimir Putin: "Rusiya-Türkiyə münasibətləri müsbət şəkildə inkişaf edir, amma çətin məsələlər də var"

Bakı. 17 sentyabr. REPORT.AZ/ "Rusiya-Türkiyə münasibətləri müsbət şəkildə inkişaf edir. Bura kifayət qədər yüksək templə inkişaf edən ticari-iqtisadi münasibətlər, regionda və daha geniş miqyasda beynəlxalq arenadakı təhlükəsizlik üzrə əlaqələrimiz daxildir".

"Report" "RİA Novosti"yə istinadən xəbər verir ki, bunu Rusiya prezidenti Vladimir Putin türkiyəli həmkarı Rəcəb Tayyib Ərdoğanla görüşdə deyib.

Onun sözlərinə görə, bütün bunlarla yanaşı, çətin məsələlər də var: "Sizi burada görməyimə çox şadam. Həm bu kompleks məsələlər üzrə fikir mübadiləsi apara, həm də hələ ki həlli olmayan məsələlərin həlli yollarını axtara biləcəyik".