Ukrayna Çernobıl AES-lə bağlı BMT Təhlükəsizlik Şurasına müraciət edib

“Biz BMT Təhlükəsizlik Şurasından Çernobıl AES-in təcrid zonasının demilitarizasiyası və orada BMT-nin xüsusi missiyasının tətbiqi üçün tədbirlər görməsini tələb edirik”.

“Report” UNİAN-a istinadən xəbər verir ki, bunu Ukrayna Baş nazirinin müavini, işğal olunmuş ərzilərin reinteqrasiyası üzrə nazir İrina Vereşuk deyib.

“Rusiya təhlükəsizlik tədbirlərinə əməl etmir. İkinci Dünya müharibəsindən qalmış təhlükəli döyüş sursatları kütləvi şəkildə istifadə olunur. Rusiya qoşunlarını dərhal Çernobıl zonasından çıxarmalıdır”, - o bildirib.

Ekspertlər hesab edirlər ki, Rusiya işğalı nəticəsində Çernobıl AES-ə nəzarətin zəifləməsi yüz milyonlarla avropalının radiasiyaya məruz qalmasına səbəb ola bilər.