Türkiyəli nazir qaçqınların geri dönüşünü müzakirə etmək üçün Suriyaya gedir

Türkiyənin daxili işlər naziri Mustafa Çiftçi Suriyaya səfər edəcək.

"Report" xəbər verir ki, bu barədə "TRT Haber" mənbəyə istinadən məlumat yayıb.

Bildirilib ki, nazir səfər çərçivəsində suriyalı həmkarı ilə görüşəcək, burada fövqəladə halların idarə edilməsi ilə bağlı memorandum imzalanacaq.

M. Çiftçinin burada keçirəcəyi görüşlərdə əsas müzakirə mövzusunun mütəşəkkil cinayətkarlıq, narkotik alveri, qaçaqmalçılıq, sərhədlərin təhlükəsizliyi və suriyalı qaçqınların könüllü geri dönüşü olacağı qeyd edilib.

Səfərdə nazirin Suriya Prezidenti Əhməd Əl Şaraa tərəfindən qəbul ediləcəyi gözlənilir.