Türkiyə PA: "Ərdoğan və Netanyahu G20 sammitində görüşə bilərlər"

“Türkiyə Prezidenti Rəcəb Tayyib Ərdoğanla İsrailin Baş naziri Benyamin Netanyahu sentyabrın 8-10-da Hindistanda keçiriləcək G-20 sammitində görüşə bilərlər”.

“Report” xəbər verir ki, bunu Türkiyə Prezident Administrasiyanın xarici siyasət və təhlükəsizlik məsələləri üzrə müşaviri Akif Çağatay Kılıç “A Haber”ə müsahibəsində deyib.

O bildirib ki, Türkiyənin İsrail xalqı ilə heç bir problemi yoxdur: “Biz mövqeyimizi həmişə konkret ifadə edirik. Əməkdaşlığa ehtiyac olan məsələlər var”.

A.Kılıçın sözlərinə görə, B.Netanyahunun Türkiyəyə səfəri ilə bağlı hələ ki, konkret tarix yoxdur.

Qeyd edək ki, daha əvvəl B. Netanyahunun Türkiyəyə gedəcəyi iddia edilirdi.