Rusiyada texnikumda baş verən atışma nəticəsində bir nəfər ölüb, üç nəfər yaralanıb - YENİLƏNİB

Rusiyanın Krasnodar diyarında, Anapadakı texnikumların birində baş verən atışma nəticəsində mühafizəçi ölüb.

"Report" Rusiya KİV-nə istinadən xəbər verir ki, bu barədə Krasnodar diyarının qubernatoru Veniyamin Kondratyev sosial şəbəkələrdə məlumat yayıb.

"Hazırda bir ölən var. Mühafizəçi zərbəni ilk öz üzərinə götürüb", - o qeyd edib. Onun sözlərinə görə, mühafizəçi operativ reaksiya verib, cinayətkarın binaya girişini bloklayıb və hüquq-mühafizə orqanları əməkdaşlarını çağırmağa macal tapıb.

Məlumata görə, tələbə təhsil müəssisəsinin foyesində naməlum silahdan atəş açıb, o saxlanılıb.

Rusiya DİN-in Krasnodar diyarı üzrə Baş İdarəsinin mətbuat xidməti bildirib ki, üç nəfər yaralanıb. İki nəfər orta ağırlıqlı xəsarət alıb.

15:45

Krasnodar diyarının Anapa şəhərində (Rusiya) sənaye texnikumunun yaxınlığında atışma baş verib.

"Report" xəbər verir ki, bu barədə Rusiya KİV-i məlumat yayıb.

İlkin məlumatlara görə, dörd nəfər xəsarət alıb. Yaralananlardan biri ağır vəziyyətdədir.

Hadisə yerində təcili yardım maşınları növbə çəkir.