Qırğızıstanın baş naziri xəstəxanaya yerləşdirilib

Qırğızıstan hökumətinin başçısı Akılbek Japarov ürəyindəki problemlə əlaqədar xəstəxanaya yerləşdirilib.

“Report” xəbər verir ki, bu barədə “İnterfaks”a Qırğızıstan hökumətindən məlumat verilib.

Nazirlər Kabinetinin mətbuat xidmətinin məlumatına görə, A.Japarov ürək ağrısı və aşağı təzyiq şikayətləri ilə Milli Kardiologiya və Terapiya Mərkəzinə qəbul edilib, elektrokardioqrafiya və koronaroqrafiya prosedurları miokard infarktı olmadığını göstərib, ürək damarlarının spazmı aşkarlanmayıb.

“Hazırda baş nazirin səhhəti sabit, qənaətbəxşdir. Həkimlər onun xəstəxanada müalicə alacağı barədə qərar qəbul edib”, - mətbuat xidmətindən bildirilib.