Qırğız polislərində koronavirus aşkarlandı

Qırğız Respublikasında hüquq-mühafizə orqanlarının 12 əməkdaşı koronavirusa yoluxub.

“Report” “RİA Novosti”yə istinadən xəbər verir ki, bunu Qırğız Respublikası Səhiyyə nazirinin müavini Nurbolot Usenbayev keçirdiyi mətbuat konfransında bildirib.

Onun sözlərinə görə, onlardan biri reanimasiya şöbəsinə yerləşdirilib. Nazir müavini bildirib ki, hüquq-mühafizə orqanları əməkdaşları xidməti vəzifələrini icra edərkən COVID-19-a yoluxmuş insanlarla təmasda olublar. Nəticədə özləri də virusa yoluxublar. 

Qırğız Respublikasında koronavirusa yoluxanların sayı 612-yə, ölənlərin sayı isə 7-yə çatıb. Yoluxanların 157-si tibb işçiləridir. Qeydə alınmış virus daşıyıcıları 8,5 min nəfərlə təmasda olublar.