Bakı 23° C
Qazaxıstan və Ukrayna prezidentləri telefonla danışıblar
- 16 fevral, 2023
- 15:07
Yeniliklərdən dərhal xəbərdar olun!
Qazaxıstan Prezidenti Kasım-Jomart Tokayevlə Ukrayna dövlət başçısı Volodimir Zelenski arasında telefon danışığı olub.
“Report” xəbər verir ki, bu barədə Qazaxıstan Prezidentinin mətbuat xidməti məlumat yayıb.
“Ukrayna tərəfinin təşəbbüsü ilə Kasım-Jomart Tokayev ilə Ukrayna Prezidenti Volodimir Zelenski arasında telefon danışığı olub. Dövlət başçıları Qazaxıstan və Ukrayna arasında humanitar əlaqələri müzakirə ediblər”, - məlumatda qeyd edilib.
Xatırladaq ki, sonuncu dəfə Tokayevlə Zelenski arasında telefon danışığı 2022-ci ilin iyulunda baş tutub. O vaxt onlar Ukrayna taxılının ixracı ilə bağlı sazişi müzakirə ediblər. Qazaxıstan Prezidenti Ukraynadakı münaqişənin diplomatik yolla həllinin zəruri olduğunu bəyan etmişdi.
Müəllif
