Moskva vilayətindəki hərbi hissədə atəş açan şəxs özünə qəsd edib - YENİLƏNİB

Moskva vilayətində hərbçi xidmət yoldaşını güllələyib, daha sonra özünə qəsd edib.

"Report"un Rusiya mənbələrinə istinadən xəbər verir ki, bu barədə Moskva Hərbi Dairəsinin mətbuat xidməti məlumat yayıb.

"Oktyabrın 17-də gecə saatlarında Moskva vilayətindəki hərbi hissənin ərazisində müşahidə postunda xidmət aparan hərbçi silahla davranış qaydalarını pozaraq müqavilə üzrə xidmət edən hərbçini ölümcül yaralayıb", - qurumdan bildirilib.

Qeyd edilib ki, hadisə ilə bağlı cinayət işi açılıb, istintaq aparılır.

Digər təfərrüatlar açıqlanmayıb.

09:45

Moskva vilayətində müddətli xidmətə göndərilmiş əsgər hərbi hissədə yoldaşlarına atəş açıb.

"Report" xəbər verir ki, bu barədə Rusiya KİV-ləri məlumat yayıb.

İlkin məlumatlara əsasən, iki nəfər həlak olub. Daha bir ağır yaralanan əsgər xəstəxanaya yerləşdirilib.