Maksim Şevçenko: “Gürcülər azərbaycanlıları qardaş kimi qəbul edirlər”

“Gürcülərin azərbaycanlıları qardaş kimi qəbul etdiklərinə əmin oldum”.

“Report”un Gürcüstan bürosu xəbər verir ki, bunu rusiyalı politoloq və jurnalist Maksim Şevçenko bildirib.

O, Gəncədən sonra Gürcüstana üçgünlük səfər etdiyini deyib: “Gürcülər və azərbaycanlıların bir-birinə dost və qardaş olmaları bu vaxta qədər mənə yalnız nəzəriyyə kimi görünürdü. Gürcüstana səfərim zamanı bunu öz gözlərimlə gördüm. Gürcü və azərbaycanlıların öz aralarında yaxın dost kimi necə zarafat etdiklərini və bir-birilərinin xətirlərinə dəymədiklərinin şahidi oldum”.

M.Şevçenko gürcü və Azərbaycan xalqları arasında qardaşlıq münasibətlərinin çox vacib amil olduğunu qeyd edib.