Lavrov iranlı həmkarı ilə regional məsələləri müzakirə edib

İran tərəfinin təşəbbüsü ilə Rusiyanın xarici işlər naziri Sergey Lavrov ilə İranın xarici işlər naziri Hüseyn Əmir Abddulahian arasında telefon danışığı olub.

“Report” xəbər verir ki, bu barədə Rusiya Xarici İşlər Nazirliyindən bildirilib.

Qeyd olunub ki, nazirlər gündəlikdə duran ikitərəfli bir sıra məsələləri müzakirə ediblər.

Tərəflər Rusiya-İran arasında çoxşaxəli əməkdaşlığın inkişafında müsbət dinamikanın gücləndiyini vurğulayıblar.

Bundan başqa diplomatlar aktual regional və beynəlxalq məsələlər ətrafında fikir mübadiləsi aparıblar.