İranda daşqınlar nəticəsində ölənlərin sayı 21 nəfərə çatıb

İranın cənubundakı Fars əyalətində leysan yağışlar nəticəsində yaranmış daşqınlar nəticəsində ölənlərin sayı 21 nəfərə çatıb.

“Report” bu barədə “Iran International”a istinadən xəbər verir.

Qeyd edilir ki, Fars əyalətinin üç şəhərində cümə günü yağan güclü yağışlar və sonradan baş verən daşqınlar nəticəsində azı 21 nəfər həlak olub, bir neçə itkin düşmüş şəxsin tapılması üçün aparılan axtarış əməliyyatı davam edir.

Fövqəladə Hallar Nazirliyinin əməkdaşları 50-dən çox insanı daşqınlardan xilas edib, azı 6 nəfər isə hələ də itkin sayılır.

Heavy rainfall and flooding in the Iranian city of Estahban in Fars province has killed at least six people and injured 12 others so far, according to local officials. pic.twitter.com/exGAtfbmjK

— Iran International English (@IranIntl_En) July 22, 2022

14:01

İranın cənubundakı Fars əyalətində leysan yağışlar nəticəsində yaranmış daşqınlar azı 17 nəfərin həyatına son qoyub.

“Report” “Əl-Ərəbiyyə” telekanalına istinadən xəbər verir ki, güclü yağışlar əyalətin paytaxtı İstəhban şəhəri yaxınlığından axan Roadbal çayında daşqınlara səbəb olub.

Şəhərin meri Yusif Kargar öz növbəsində bildirib ki, Fövqəladə Hallar Nazirliyinin əməkdaşları 55 nəfəri daşqınlardan xilas edib, azı 6 nəfər isə hələ də itkin sayılır.