Gürcüstanda daha 47 nəfər COVID-19-dan ölüb  

Gürcüstanda son sutkada koronavirusa 1 653 yeni yoluxma halı təsdiqlənib, 2 646 nəfər müalicə olunaraq sağalıb, 47 pasiyent vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Hazırkı dövrədək qonşu ölkədə COVID-19 infeksiyası 602 065 nəfərdə aşkarlanıb. Onların 570 443-ü sağalıb, 8 711-i vəfat edib.

Bu günə olan aktiv xəstə sayı 22 885 nəfərdir.