Gürcüstanda Çin peyvəndi ilə vaksinasiyaya qeydiyyat başlayır

Bu gündən Gürcüstanda Çinin “Sinopharm” peyvəndi ilə vaksinasiyadan keçmək üçün qeydiyyata start veriləcək.

“Report”un yerli bürosu xəbər verir ki, həmin preparatla peyvəndlənməyə isə mayın 4-də başlanılacaq.

Çin vaksini vurulacaq hədəf qrupları Səhiyyə Nazirliyinin nəzdindəki İmmunizasiya Şurasının bu gün keçiriləcək iclasında müəyyən ediləcək.

Qeyd edək ki, “Sinopharm” Gürcüstanda koronavirus əleyhinə tətbiq olunacaq sayca III peyvənd olacaq. Qonşu ölkədə martın 15-dən “Astrazeneca”, martın 30-dan isə “Pfizer” preparatı ilə vaksinasiya aparılır.