Gürcüstan iqtidarı və müxalifəti arasında razılıq əldə olundu

Gürcüstanın hakim Gürcü Arzusu Partiyası və müxalifəti arasında bu ilin payızında keçiriləcək parlament seçkilərinin modeli üzrə razılıq əldə olunub.

“Report”un yerli bürosu xəbər verir ki, bu barədə Gürcüstan parlamentinin sədri Arçil Talakvadze bildirib.

Onun sözlərinə görə, tərəflər arasında siyasi danışıqlar geniş konsensusla nəticələnib: “Seçkilər 120/30 sistemi və 1%-lik baryer üzrə keçiriləcək. 120 deputat proporsional, 30-u isə majoritar sistem üzrə seçiləcək”.

Hakim partiya və müxalifət arasında razılıqla bağlı müvafiq memorandum imzalanıb.