Ermənistan Baş Qərargah rəisinin keçmiş birinci müavini saxlanılıb

Ermənistan Silahlı Qüvvələri Baş Qərargah rəisinin keçmiş birinci müavini, general-leytenant Tiran Xaçatryan saxlanılıb.

Bu barədə “Report” Ermənistan KİV-inə istinadən xəbər verir.

Məlumata görə, T.Xaçatryan 2020-ci ilin payızında baş vermiş 44 günlük müharibənin bəzi epizodları ilə bağlı saxlanılıb.

“General bu gün səhər saatlarında saxlanılıb. Gözlənilir ki, günün sonuna qədər məhkəmə istintaqın həbslə bağlı müraciətinə baxacaq”, - xəbərdə vurğulanıb.