Ərdoğan: "Zelenski və Putin arasında görüşün təşkilinə ümid edirəm"

"Ukrayna Prezidenti Volodimir Zelenski və Rusiya Prezidenti Vladimir Putin arasında görüşün təşkilinə ümid edirəm".

"Report" xəbər verir ki, bunu Türkiyənin dövlət başçısı ABŞ-ın PBS televiziyasına müsahibəsində bildirib.

Ərdoğan Rusiya və Ukrayna kontekstində balanslaşdırılmış siyasət apardığını və hər iki tərəfi dinlədiyini qeyd edib:

"Ona görə də bu liderləri bir araya gətirmək üçün güclü istəyimiz var. Gəlin onları bir araya gətirək. Mən hər şeyi onlardan eşitmək istəyirəm. İndiyədək uğur qazana bilməmişik, amma ümidsiz deyiləm", - Türkiyə lideri vurğulayıb.