Ərdoğan parlament seçkiləri ilə əlaqədar Putini təbrik edib

Bakı. 21 sentyabr. REPORT.AZ/ Rusiya və Türkiyə prezidentləri Vladimir Putin və Rəcəb Tayyib Ərdoğan arasında telefon danışığı olub.

"Report" "İnterfax"a istinadən xəbər verir ki, bu barədə Kremlin məlumatında bildirilir.

Türkiyə tərəfinin təşəbbüsü ilə baş tutan telefon söhbəti zamanı Ərdoğan rusiyalı həmkarını Federal Məclisin Dövlət Dumasına deputat seçkilərinin uğurla keçirilməsi münasibəti ilə təbrik edib.

Bundan əlavə, prezidentlər Rusiya-Türkiyə əməkdaşlığının gələcək inkişafı və Suriya probleminin nizamlanması üzrə aktual məsələləri müzakirə ediblər.